Ushbu tadbir davomida ijtimoiy himoyaga muhtoj bo‘lgan, kam ta’minlangan hamda boquvchisini yo‘qotgan yolg‘iz onalarga amaliy yordam ko‘rsatildi. Xususan, 13 nafar ehtiyojmand oilalarga birlamchi zarur bo‘lgan oziq-ovqat mahsulotlari tarqatildi.

Mazkur xayriya tadbirining asosiy maqsadi Navro‘z bayrami arafasida aholining ehtiyojmand qatlamini qo‘llab-quvvatlash, ularga bayram kayfiyatini ulashish hamda mehr-oqibat va hamjihatlik an’analarini yanada mustahkamlashdan iboratdir.

Tadbir davomida yordam olgan onalar tashkilotchilarga o‘z minnatdorchiliklarini bildirib, bunday e’tibor va g‘amxo‘rlik ular uchun katta dalda bo‘layotganini ta’kidlashdi.

Navro‘z bayrami – yangilanish, mehr-oqibat va saxovat ayyomi bo‘lib, bunday ezgu ishlar jamiyatda insonparvarlik va hamjihatlik tuyg‘ularini yanada mustahkamlashga xizmat qiladi.